Рецепт за овесна каша со касија

Време на подготовка: 5 минути

Време на готвење: 10 минути

Порции: 4

Состојки:

500 мл. ладна вода

4 лажици овесна каша

4 лажици кокосово брашно

Стевиа или мед

Овошје по избор

Подготовка:

Во пола литар ладна вода ставете 4 лажици овесна каша и 4 лажици кокосово брашно. Мешајте додека не добиете компактна смеса. Потоа истата ставете ја на рингла и со постојано мешање, чекајте да зоврие. Намалете ја температурата и варете ја густата смеса 10 минути. По вкус додадете стевиа или мед.

Овошјето, по ваш избор, блендирано додадете го во смесата и рачно измешајте.

Нашиот избор на овошје за денес е кајсија.

Пријатен појадок,

ИмуноКујна

*Рецепт за овесна каша со цреши
*Рецепт за овесна каша со авокадо

Рецепт за „ИмуноМафини“

Време на подготовка: 20 минути

Време на печење: 25 минути

Порции: 16 мафини

Состојки:

450 gr варен наут

100 ml млеко од билно потекло

150 gr стевиа

4 јајца 

3 лажици кокосово масло

2 лажици какао 

4 лажици рогач во прав

1 лажичка прашок за пециво

Подготовка:

Во блендер ставете го наутот и блендирајте го додека не добиете густа смеса. Смесата ставете ја посебен сад и додека додавате млеко мешајте со лажица, со лесни движења. 

Во посебен сад измешајте ги сувите состојки - какао, рогач, пециво и стевиа. 

Со миксер изматете ги четирите јајца. Откако ќе добиете цврста и густа пена, во истиот сад додадете ја смесата од наут и млеко и измешаните суви состојки. На крај додадете ги трите лажици кокосово масло.

Смесата мешајте ја со миксер, на најмала брзина, кратко време за да добиете компактна, воедначена смеса.

Смесата ставете ја во калап за мафини и печете 25 минути, на 180 степени. 

Сервирајте ги мафините со мармалад од шипка или кајсии.

Здравствени придобивки од смоква

Смоквата е едно од најпознатите овошја уште од античко време. Свежа или сува, таа е богата со многу нутритивни вредности, антиоксиданти, минерали и витамини, од кои вашето здравје ќе има големи придобивки. 

Многу луѓе не само што не јадат доволно овошје и зеленчук, тие консумираат и големи количини на натриум во форма на сол, кој често се додава во преработената храна. Овие лица многу често имаат дефицит на калиум. Смоквите се добар извор на калиум, минерал кој помага во контрола на крвниот притисок. Низок внес на храна богата со калиум, особено кога се внесува заедно со повеќе натриум, може да доведе до хипертензија. 

Сувата смоква содржи омега-3 масни киселини и омега-6. Овие киселини го намалуваат ризикот од срцеви болести. Тие исто така имаат сигнификантно значење и во регулирање на триглицеридите.
Таа исто така содржи и голема концентрација на калциум, со што ги зајакнува коските и спречува остеопороза.

Од многуте бенефити од смоквата, ќе ги издвоиме:
- го намалува холестеролот;
- превенција од рак на дебело црево;
- превенција од пост-менопаузен рак на дојка;
- ублажување на симптомите на бронхитис;
- превенција од сексуална дисфункција;
- превенција од венерични болести;
- ослободување од болки во грло итн...

Со помош на смоквата на сладок начин можеме да ја контролираме и телесната тежина. Тие се одличен извор на диетални влакна, а храната која е богата со влакна има позитивен ефект врз контролата на телесната тежина. 

Најполезна за употреба е свежата смоква, но како да ја изберете онаа од која ќе имате најголем бенефит во однос на вашето здравје? 

За директна консумација се користат само потполно зрелите плодови, кои на допир не се раскашавени, туку се меки.

Битен факт е дека бојата на лушпата не е показател за зрелоста на смоквата. Во зависност од сортата на смоква, таа може да има светло зелена боја на лушпата, а сепак да е зрела. 

При изборот на смоква, исто така треба да се потпреме и на сетилото за мирис. Доколку почувствувате дека смоквата мириса на кисело, во тој случај е почнат процесот на ферментација и истата не е за консумирање. 

Битно е да се знае дека недозреаната смоква е токсична, бидејќи во себе содржи латекс - сок кој многу наликува на млеко и ги штити плодовите до нивното созревање.

*Рецепти од ИмуноКујна со суви смокви:
- Рецепт за „ИмуноПлочки“
- Рецепт за „Салата со суви смокви, рукола и спанаќ„
- Рецепт за „Енергетски бомбици со суво овошје“

Рецепт за ИмуноПојадок со хумус и мајонез од бадеми

Состојки: 
Парчиња интегрален леб
Хумус
Мајонез од бадеми
Црвен пипер во прав

*Начинот за подготовка на хумус, можете да го прочитате овде.
*Начинот за подготовка на мајонез од бадеми можете да го прочитате овде.

Откако ќе ги направите хумусот и мајонезот од бадеми, на потпечено интегрално лебче ставете најпрвин од хумусот, па потоа од мајонезот, посипете малку црвен пипер и сервирајте! 
Пријатен појадок :)

Кажете НЕ на убиецот наречен „бело брашно“!

Белото брашно на нашите простори е општопознато и се користи во големи мери. Секојдневно се користи, консумирајќи бел леб, бурек, баници, бели солени и благи пецива итн... Со самото тоа што е познато, достапно и се користи не значи дека е и здраво.

Белото брашно е едно од најштетните состојки во секојдневната исхрана. Тоа е најголем убиец и причинител на многу болести.

Проблемот со  белото брашно настанува кога тоа всушност се појавува, во времето на Луј 14ти, во Франција. До тогаш луѓето се хранеле со брашно од цели зрна и други интегрални производи, со што и не се соочувале со срцеви болести, дијабетес или канцер.  Овие болести почнуваат да се развиваат со консумирањето на белото брашно.

Една интересна приказна реферира на тоа дека французите кои можеле да си ги дозволат колачите и слатките задоволства од бело брашно на француските пекари почнале се повеќе и повеќе да се разболуваат, за разлика од тие кои не можеле да си го дозволат тоа и се хранеле со  производи од интегрално потекло. Докторите од тоа време никако не можеле да ја направат конекцијата помеѓу храната и болестите. Заради непознати причини богатите се разболувале, а сиромашните биле здрави.

Белото брашно е брашно од пченица, со бела боја, од кое најголем дел од состојките кои се потребни на организмот со обработката се извадени. Се што е со важна нутритивна вредност – витамини, минерали, амино киселини и ензими потребни за дигестирање на храната се извадени во процесот на мелење и пречистување, па тоа што останува нема скоро никаква нутритивна вредност.

Во понатамошниот процес, за да ја добие белата боја на брашното му се додава хемикалија, кој е смртно опасна по животот, наречена алоксан. Оваа хемикалија го уништува производството на инсулин, во ќелиите на панкреасот, со што директно предизвикува дијабетес тип 2, односно инсулин – независен дијабетес. На крај се додаваат и вештачки витамини, кои предизвикуваат канцер. 

Отровот по дефиниција е супстанца која преку својата хемиска акција убива, односно го напаѓа нашиот организам; нешто деструктивно и болно. Со оваа дефиниција, белото брашно се квалификува како отров. Суптилен и „сладок“ отров.

Белото брашно го зголемува ризикот од покачување на крвниот притисок, срцев удар, напади, дебелина, дијабетес и висок холестерол. Тоа исто така го зголемува ризикот од канцер и артритис. Белото брашно исто така го намалува имунитетот и е едно од главните причинители на замор, депресија, анксиозност, хипогликемија итн...

За да бидете здрави, енергични и полни со живот, веднаш заменете го белото брашно со брашно од цели зрна – интегрално. Исто така обогатете ја вашата исхрана и со брашно од хељда, наут, кокос, спелт, ориз... Овие видови на брашно, на вашиот организам ќе му донесат многу витамини, минерали, киселини и диететски влакна, за нормално фунцкионирање и зголемување на имунитетот. 

Избегнувајте било што направено од бело брашно – леб, торти, колачи, пецива, палачинки, паста итн... За сите овие производи имате здрава алтернатива, со високи нутритивни вредности. 

Сакајте се себеси и вашите најблиски, изберете здрава исхрана!

ИмуноКујна ви нуди здрава алтернатива за:

- Американски палачинки од кокосово брашно

- Домашен леб со хељда и спелта

- Безглутенска проја

*Прочитајте повеќе за:

Кокосово брашно за јакнење на имунитетот

Шампионот помеѓу житариците - нектар на животот

Хељда за здравје, лек и витка линија

Здрав, брз и лесен - протеински ИмуноПојадок

Време на подготовка: 5 минути

Време на готвење: 5 минути

Состојки:

Парчиња интегрален леб

Јајца 

Козји кашкавал

Маслинки

Чиа семе

Масло за готвење

Сол

*Количината на парчињата интегрален леб и јајцата варира во зависност од бројот на порции!

Во нашиот рецепт се користени 6 парчиња интегрален леб и 4 јајца со средна големина.

Подготовка: 

Во чинија изматете ги јајцата. Додадете сол и малку чиа семе. Во тава за готвење ставете малку масло и испржете ги веќе изматените јајца.

Потпечете ги парчињата интегрален леб. На потпечените парчиња леб, ставете од омлетот, изрендајте малку козји кашкавал и ставете маслинки. 

По ваша желба, одозгора ставете уште едно парче потпечен интегрален леб. Сервирајте и уживајте во вашиот брз протеински појадок!

Исхрана во летниот период

За време на врелите летни денови, бараме разни начини да се разладиме и закрепнеме, а при тоа малку внимание посветуваме на исхраната. 

Не заборавајте – исхраната може да биде од голема помош во поднесувањето на високите летни температури. 

Таа би требало да биде лесна, да се темели на овошје и зеленчук, а се препорачува и поголем внес на диететски влакна. Салатите примпремени од различни врсти на зеленчук, ќе ви осигурат внес на витамини и минерали, а исто и ќе ве освежат.

Во летната исхрана, многу важна улога има овошјето, кое за среќа во летните месци го има во изобилство. 

Потребата за течности, која е зголемена за време на летните месеци, можете да ја задоволите со јагоди, боровинки, праски и цреши, кои се сочни и богати со вода. Овошна салата за десерт или чинија цреши, ќе ви помогне полесно да ги пребродите високите температури. 

Се препорачува намален внес на суво овошје, а поголем внес на свежо.

Дневните порции на овошје и зеленчук, е потребно да се зголемат на 2 до 3 порции дневно. 

За појадок се препорачува јогурт, житарки и овошје или зеленчукова салата.

Ручекот би требало да биде лесен, но нутритивно богат. Важно е да се избегнува пржена, масна и зачинета храна. Од намирниците со животинско потекло, би требало да го зголемите внесот на риба.

Со исхраната би требало да внесете адекватен број на витамини и минерали, кои се многу битни во текот на летото, кога се изложуваме на сонце.

Во закрепнувањето од претераното изложување на сонце, важна улога имаат антиоксидантите – витамин Е, витамин Ц и селен. 

Витаминот Е е важен за кожата, како и опоравување на ткивата, а освен во билните масла, може да се најде и во бадемите и лешниците. 

Витаминот Ц најмногу е застапен во портокалот, мандарината, лимонот, јагодите, пиперките и зелката. 

Селенот може да го најдете во рибата, краставицата и интегралните житарки.

На високите температури доаѓа до губење на течностите преку кожата, па можноста за дехидрација е покачена и заради тоа е потребен голем дневен внес на течности. Се препорачува чиста, разладена вода и тоа минимално 3 литри дневно, а не само кога ќе осетите жед. 

Не се препорачуваат газирани напитоци и напитоци богати со кофеин и шеќери.

Доколку не можете да испиете минимум три литри вода, пробајте да ја внесете преку исхрана со намирници кои се богати со вода - свежо овошје и зеленчук.

*ИмуноКујна ви предлага две салати за летна исхрана:

- Летна и свежа „ИмуноСалата со наут“

- ИмуноСалата со риба

Билка - замена за шеќер, која засладува и нема калории

Билката стевиа, која потекнува од Јужна Америка е една од најбараните билки во светот заради својата лековитост.  

Уште пред 1500 години, индијанското племе Гуарани ја користеле како природен засладувач за храна и пијалоци. Таа е дури до 400 пати послатка од шеќерот, без калории и без јагленохидрати, па затоа и ја нарекувале „меден лист“. 

Кога листот на стевиа ќе достигне висина од 5 cm, тоа е знак дека е спремен за берба. Листот најпрвин се чисти, а потоа се суши на сонце или во машини со топли зраци. 

Свежите листови од стевиа може да се користат при подготовка на оброци и напитоци.

Истражувањата потврдиле дека со секојдневното користење, стевиа ќе ја направи вашата телесна тежина идеална, ќе го подобри вашиот тен и ќе ве заштити од слободни радикали.

Билката стевиа ќе направи уште многу корисни нешта за вас, а од нив ги издвојуваме:

- Помага при спречување на настанување на рак;

- Ја регулира прекумерната тежина;

- Помага при намалување на покачените масти во крвта и регулирање на крвниот притисок;

- Го намалува шеќерот во крвта;

- Помага при опоравување на организмот после терапии со антибиотици;

- Помага при опоравување на организмот после грип или настинка;

- Го успорува развојот на остеопороза;

- Помага во брзо лечење на организмот кај инфекции од кандида;

- Помага при детоксикација на организмот, спречување на настанување на кариес, како и при зајакнување на имунитетот и многу други.

Билката стевиа е достапна во супер маркетите или продавниците за здрава храна и ви препорачуваме белиот шеќер веднаш да го замените со овој природен засладувач, од кој ќе имате многу бенефити. 

*Рецепти од ИмуноКујна со стевиа: 
- Најбрзиот безглутенски појадок
- Енергетски бомбици со суво овошје
- Безглутенски колач со рогач
- Рецепт за овесна каша со авокадо

Летна и свежа „ИмуноСалата со наут“

Летната и свежа салата со сезонски зеленчук е брза и лесна за подготовка. Истата можете да ја понесете на пат или на работа. Стартувајте го енергично вашиот ден, со „ИмуноСалата со наут“ за појадок.

Состојки:

Варен наут (количината е по желба)

1 црвена пиперка

1 зелена пиперка

1 авокадо

1 патиџан

1 главица кромид

Босилек

Козјо сирење (парчиња)

Сок од цеден лимон

Ладно-цедено масло

Сол

Подготовка:

Во сад измешајте ги сите состојки. Додадете сок од цеден лимон, ладно-цедено масло и сол по ваша желба и едноставно... уживајте! :)

                                                                                                          Copyright © 2016 ImmunoKitchen. All Rights Reserved.

ИмуноСалата со риба

ИмуноСалата со риба е најбрзиот и најбезбедниот витамински оброк, кој можете да го понесете со вас на излет, патување или на работа. Оваа салата лесно се подготвува, ќе ве поштеди од наоѓање на ладилник, лесно се пакува и транспортира на подолги релации.

Состојки:

1 конзерва риба (сардина или туна)

4 варени моркови

3 печени пиперки

1 главица кромид

Kлас пченка 

Сок од еден лимон

Рукола

Ладно-цедено масло

Сол

Црн пипер

Подготовка:

Исечкајте ги морковите на тркалца и ставете ги во садот во кој ќе ја понесете салатата. Исечкајте ги испечените пиперки на ситни парченца и заедно со исечканиот кромид додадете ги во садот.

Зачинете со сокот од лимон, ладно-цеденото масло, солта и црниот пипер. Додадете ја руколата и измешајте.

Непосредно пред да ја консумирате ИмуноСалатата, додадете ја конзервираната риба (сардина или туна).

                                                                                                           Copyright © 2016 ImmunoKitchen. All Rights Reserved.

Најважниот оброк во текот на денот, кој не смеете да го пропуштите!

Појадокот е најважниот оброк во текот на денот!

Сигурно сте го слушале ова цело време и тоа е вистината. Појадокот е еден од оние оброци кои луѓето често ги прескокнуваат, а не би смееле да го прават тоа. Можеби брзате за работа или предавања на факултет, но сепак морате да најдете и да одвоите време за појадок.

Истражувањата покажале дека децата кои наутро редовно појадуваат имаат подобри резултати во училиште. Истото се однесува и за возрасните кои наутро редовно појадуваат. Тие се поефикасни во извршувањето на секојдневните обврски.

Дали сте забележале дека ви е тешко да се разбудите, а веќе сте на работа, сте пиеле кафе и каснале пециво, кое сте го зеле на брзање по пат? 

Дали сте забележале дека до ручек, вие веќе сте уморни?

Тоа е затоа што не ја консумирате правилната храна!

Прескокнувањето на појадокот е честа стратегија за слабеење, но не и паметна. Многу веруваат дека со прескокнувањето на оброци се слабее, но бројни истражувања потврдуваат дека тоа не е точно. Телото очекува и треба да го снабдите со енергија неколку пати во денот, почнувајќи од здравиот појадок. Појадокот е одличен и за слабеење и за одржување на тежината.

Што не треба да појадувате?

Дали некогаш сте се почувствувале забавено во текот на денот? Тоа е затоа што јадете премногу шеќери!
Не јадете крофни, слатки пецива или житарки полни со шеќери. Тоа се само празни калории, од кои не добивате енергија. Не само тоа, таа е всушност храната од која добивате на тежина. 

Избегнувајте го и белото брашно, бидејќи за брзо време ќе бидете гладни и уморни.

Не јадете многу пржена храна, чоколада и не мислете дека пиењето кафе наместо појадок ќе ви ја даде истата енергија.

Што треба да појадувате?

Јадете житарки кои имаат малку шеќери. Житарки со козјо млеко или јогурт се одличен појадок. Всушност чинија житарки со козјо млеко или јогурт се одлични за било кој дел од денот.

Добро е да консумирате јајца за појадок, свеж сок од овошје, добро познатиот тост, но од интегрално или црно брашно.

Овесот, односно овесната каша е можеби најдобрата варијанта за почеток на вашиот ден, која комбинирана со овошје ќе ви даде одличен старт на денот.

За одличен старт и енергија во текот на денот, се препорачува и наутот.

Не е воопшто тешко да појадувате. Наутро сетете се дека тоа е најдобриот почеток на денот. 
Ќе забележите колку подобро ќе се чувствувате наутро и во текот на денот, кога ќе престанете да го избегнувате и ќе консумирате здрав појадок!

Во продолжение погледнете неколку предлози за здрав појадок од ИмуноКујна: 

- Безглутенски појадок

- Утринско смуди без лактоза

- Американски палачинки од кокосово брашно

- Најбрзиот безглутенски појадок

- Рецепт за овесна каша со авокадо

Наполнете ги резервите со витамин Д

Сите ние кога се изложуваме на сонце сме исклучително внимателни и правиме големи подготовки за да ја намалиме штетноста од УВ зраците врз нашето тело, но не смееме да заборавиме дека сепак мора малку и да се изложиме на сонце, заради ендорфинот и витаминот Д, чие делување ќе ни биде и повеќе од потребно не само на лето, туку и во зимскиот период.

Искористете ги сончевите зраци кои сега ги има во големи количини и рано наутро или после ручек поминете време на сонце. Топлите сончеви зраци ќе делуваат поволно на синтетизирање на витаминот Д.

Овој витамин е откриен и го добил своето име во 1922 година. Не е есенцијален витамин, но неговата улога е главна во одржување на рамнотежата на калциумот во организмот. Во витаминот Д влегуваат седум витамини кои се разликуваат по структурата, а најважни се Д2 и Д3. Доколку нема доволно витамин Д, калциумот кој го внесувате во организмот не се апсорбира, па доаѓа до рахитис кај децата и опстеопороза кај постарите. 

Докажано е дека витаминот Д помага во лечење на некои облици на рак и автоимуни болести.

Иако витаминот Д се внесува и преку храна (јајца, месо, рибино масло, скуша, харинга, лосо, туна итн...), поголемиот дел се внесува со помош на УВ зраците. 

Витаминот Д помага и во јакнење на имунитетот на организмот, односно има голема улога во борбата против настинка, но и некои типови на грип и вирози кои доаѓаат во зимските месеци кога сонцето е многу ретко и слабо, па нашиот имунитет слабее.

Примањето на витамин Д само преку сончање и исхрана не може да ви наштети. Евентуалното претерано и неконтролирано земање на синтетизирани надоместоци доведувааат до случаеви на предозираност и можат да бидат токсични. 

Доволно е да поминете 15 минути на сонце, неколку пати во денот, но без УВ заштита и надвор од град, зашто смогот и нечистиот воздух може да ги блокира УВ зраците да стигнат до вашата кожа.

Летниот период е идеална прилика да ги наполните своите резерви со витамин Д. Истражувањата потврдуваат дека сончевата светлина го поттикнува ендорфинот - хормон задолжен за доброто расположение, па затоа и не е чудно дека во земјите на север има поголем број на заболени од депресија, отколку на сончевиот медитеран. 

Не ја одбивајте силата на сончевата светлина и топлина, знаејќи и самите колку ни значи и еден зимски сончев ден, во морето од облаци, дождови и снег. 

Искористете го убавото сончево и топло време за прошетки во парк, на плажа или кафе на вашата тераса. Затворете ги очите и опуштете се додека вашето лице го галат сончевите зраци.

Пет значајни намирници во намалувањето на тежината

                        

Намирниците кои се сугерирани во овој текст имаат позитивно влјание за намалување на телесната тежина или одржување и затоа истите би требало да ги консумирате почесто!

Алги

Во својот состав содржат витамини Ц и Б и влакна кои даваат чувство на ситост. Тие организмот ни го заситуваат и со јод. Зелените алги, најдобро е да се консумираат како прилог во салати, супи или готвени јадења.

Горчлива диња или карела

Таа е позната по својот плод кој се смета дека е еден од најгорчливите плодови во светот, а главно се користи во третман на дијабетис. Таа во телото активира лачење на хормон кој се создава во масното ткиво и кој заедно со други хормони делува на осетот за глад и ситост.

 

Цитрон

Цитронот помага при топење на мастите. Цитронот ја зголемува циркулацијата и игра голема улога во намалување на телесната тежина. Најголема добивка за вашето тело ќе имате од недозреаниот цитрон.

Ѓумбир

Коренот од свеж ѓумбир кој содржи етерични масла е сличен на чилито заради загревањето на телото. Тој го зголемува лачењето на жлездите, соковите во дигестивниот тракт и жолчката и така позитивно делува на целиот систем за варење.

Кафе

Кофеинот помага при зголемување на согорувањето на мастите. Тие со помош на кофеинот се разградуваат и стануваат извор на енергија на телото и не се таложат во него.

Рецепт за овесна каша со авокадо

Време на подготовка: 5 минути

Време на готвење: 10 минути

Порции: 4

Состојки:

500 мл. ладна вода

4 лажици овесна каша

4 лажици кокосово брашно

Стевиа или мед

Овошје по избор

Подготовка:

Во пола литар ладна вода ставете 4 лажици овесна каша и 4 лажици кокосово брашно. Мешајте додека не добиете компактна смеса. Потоа истата ставете ја на рингла и со постојано мешање, чекајте да зоврие. Намалете ја температурата и варете ја густата смеса 10 минути. По вкус додадете стевиа или мед. 
Овошјето, по ваш избор, блендирано додадете го во смесата и рачно измешајте.

Нашиот избор на овошје за денес е авокадо.

Пријатен појадок,

ИмуноКујна

Рецепт за „Имуно плочки“

Време на подготовка: 15 минути 

Состојки: 

400 гр. суви (пресувани) урми

200 гр. суви смокви

200 гр. непечени и несолени бадеми

30 гр. чиа семе

30 гр. печен сусам

Подготовка:

Исечете ги пресуваните урми и сувите смокви на ситни парчиња и ставете ги во длабок сад за мешање. Потпечете го сусамот во фурна и додадете го во смесата. Бадемите изблендирајте ги на едро (нека ви останат мали парчиња) и додадете ги во садот заедно со чиа семето.

Мешајте ја смесата рачно и додадете малку вода за соединување на смесата и полесно мешање. 

Во правоаголен сад, ставете проѕирна фолија, поставете ја смесата, израмнете ја и покријте ја исто така со проѕирна фолија. 

Оставете ја смесата да одстои најмалку два часа во фрижидер и исечкајте ја во форма по ваша желба.

Имуно плочите се лесни за пакување, па можете да ги понесете со вас на работа или на пат, за во секој момент да ви дадат сила и енергија!

                                                                                                                  Copyright © 2016 ImmunoKitchen. All Rights Reserved.

Исхрана за подобар и поквалитетен сон

Спиењето е природен, релаксирачки процес, неопходен за опоравување на психичката и физичката сила на организмот. Посебно делува на целокупната еволуција на мозокот. Третина од животот на човек му поминува во спиење.

Брзото темпо на живот, големиот број часови на работа, гужва, стрест, нервози се дел од животот, кои кај поголем дел од луѓето предизвикуваат несоница. Меѓутоа, добра вест е дека одредени одлуки во однос на исхраната и тоа како можат да влијаат на квалитетот на вашиот сон.

Доволен и квалитет сон е посебно важен за активните жени и мажи. Спиењето овозможува опоравување од напорниот тренинг и го припрема телото за следниот. За време на сонот, секој мускул во телото се обновува и станува појак. Според истражувањата, одморените луѓе се 20% побрзи и попродуктивни во извршувањето на физички задачи, отколку оние на кои им недостасува квалитетен одмор. Животот со лош квалитет на сонот е ист како и животот без сон. Во двата случаи, способноста на телото шеќерите да ги претвори во мускулно гориво се успорува, па со тоа мускулите не добиваат доволно енергија.

Со други зборови: јадете паметно – спијте подобро, спијте подобро – бидете здрави!

Немојте да ги прескокнувате оброците, а потоа да ги надокнадувате!

Прескокнувањето на оброци во текот на денот, можеби ви изгледа како најдобар начин на намалување на вашата тежина, меѓутоа воопшто не е точно. Не само што ќе го извадите вашето тело од рамнотежа, туку и ќе си направите проблеми со спиењето. Избегнувањето храна цел ден и потоа консумирање на поголема количина храна навечер е многу лошо за вашиот организам, бидејќи го стимулирате метаболизмот, наместо да го смирувате, па со тоа настануваат сите проблеми.

Јадете порано и почесто!

Вашето тело користи енергија додека спиете за да се регенерира. Потрошените калории подоцна треба да се надокнадат. Јадете мешавина од протеини и јагленохидрати за појадок (на пример јајца и интегрален тост), а подоцна имајте уште најмногу шест мали оброци во текот на денот. Со здрава исхрана на неколку часа му помагате на телото и мозокот да постигне правилна рамнотежа на хормоните и регулирање на сонот.

Кажете НЕ!

Едноставно кажете им НЕ на мини сендвичи, чипсови, бел леб, шеќери и грисини. Многу масната и зачинета храна ќе ве држи будни подолго од планираното.

Не претерувајте!

Кога дневниот внес на калории ќе го намалите на помалку од 1200, организмот не добива доволно клучни состојки што исто така може да влијаат на вашиот сон. На пример малку железо може да предизвика симптоми слични на синдромот „уморни нозе“, додека намалувањето на фолната киселина може да доведе до несоница.

Исхраната богата со витамин Б, калциум, цинк, железо и бакар ќе ви помогне да се одморите подобро. 

Витаминот Б ја подобрува способноста на телото да го регулира лачењето на триптофан и произведува повеќе серотонин, кои се битни за регулација на сонот. Можеме да го најдеме во пилешкото месо, белото месо, бананите, компирите, лешниците, мешунките итн...

Калциумот е природен релаксатор и има смирувачки ефект на нервниот систем. Можеме да го најдеме во ниско калоричниот јогурт, млекото, сирењето, брокулата итн...

Цинкот е исто така еден од основните за регулирање на вашиот сон. Недостатокот од овој минерал се поврзува со несоницата. Можеме да го најдеме во јаткастите плодови, разни семки, интегрални житарки, јунешко месо итн...

Железото, кое доколку не го консумирате, нема да влијае добро не само на вашиот сон, туку и на вашиот организам. Можете да го најдете во месото, мешунките, темно – зелениот зеленчук, сувото овошје итн...

Бакарот го регулира лачењето на серотонин, а можете да го најдете во житарките, гравот, лешниците....

Во суштина важно е да јадете намирници кои ќе бидат поблиску до својот природен облик и да јадете мали оброци, но чести... Едноставно, нели?

5 совети за разубавување од различни земји

Бразил

Доколку се подготвувате да заминете на одмор или веќе сте на некоја плажа, ви ја препорачуваме бразилската антицелулитна козметичка терапија. Бразилките го користат песокот за триење на кожата и на тој начин ја подобруват циркулацијата, го одржуваат телото и го намалуваат целулитот.

Јапонија

Јапонките надалеку се познати по древната техника на органско производство на златното масло од камелија. Тие секојдневно го користат во одржување на својот изглед и убавина и со висок процент успеваат да ги намалат веќе создадените брчки, да ја нахранат кожата и ноктите, а исто така да ја подмладат и оживеат косата.

Австралија

Староседелците на далечната Австралија ни препорачуваат древен рецепт за успешно ослободување од првутот во косата. Со додавање на само неколку капки масло од еукалиптус или масло од чичок во шампонот, трајно си го решаваме проблемот со првутот во косата.

Индија

Тајната на густата, сјајна и цврста коса на жените од Индија, лежи токму во кокосовото масло. Еднаш неделно го загреваат кокосовото масло и пред легнување ја мачкаат косата со втријување до коренот. 

Обидете се да го примените овој совет за цврста коса, а следното утре измијте ја косата со шампон од органско потекло.

Скандинавија

Жените од Скандинавија имаат неверојатно негувана кожа.Тие освен што пијат минерална изворска вода, со истата го мијат лицето. Тие наведуваат дека минералната изворска вода помага при хидратација на кожата и при намалување на отоците. Минералната вода мора да биде ладна и барем 20 пати да го измиете лицето.

Полнет пилешки стек

Време на подготовка: 10 минути

Време на готвење: 20 минути

Порции: 4

Состојки:

4 парчиња пилешки стек

150 гр. козјо сирење

4 главици кромид 

4 парчиња пелат

Микс сушен зеленчук

Масло

Оригано

Црн пипер

Сол

Подготовка: 

Парчињата пилешки стек ги засекувате на средина и ги полните со претходно подготвено, издробено козјо сирење, масло, малку оригано и црн пипер.

Пилешкиот стек се положува во намастена тава и се посипува со сол, црн пипер и сушен зеленчук. Во тавчето се ставаат главиците црвен кромид и парчињата пелат.

Печете 20 минути на претходно загреана фурна на 250 степени.

Уживајте! 

                                                        Copyright © 2016 ImmunoKitchen. All Rights Reserved.

Храната и нашето здравје

Во последните години станува се` појасно и појасно дека исхраната има големо влијание на нашето здравје. Знаеме која храна е здрава и корисна, а и многу добро знаеме која треба да ја избегнуваме.

Преработената храна, храната полна со адитиви и конзерванси во нашиот организам предизвикува бројни промени и реакции. Некои од нив се и патолошки промени  кои можат да доведат до рак.

Сите информации за нездравата храна ги знаеме, но сепак го бираме наједноставното решение - купуваме полуготова храна, бираме преработена храна, бранејќи се дека немаме време да готвиме. Најздравата храна е онаа која многу малку или воопшто не е преработена во фабрика. Преработената храна има уште една маана – адитиви кои мора да се додаваат за храната да трае подолго. Тие адитиви се најголемата штета за нашиот организам.

Кога се говори за храната како лек, мора да се земе во предвид уште едно тврдење. Се` поголемо и поголемо е влијанието на медицината и начинот на живот на Блискиот Исток каде што преовладува верување дека храната има големо влијание на нашиот организам и на тоа што го мислиме. Древните луѓе од Исток верувале дека и ние и храната сме настанати од истиот извор и го имаме практично истиот генетски код. Нашиот организам ја препознава храната, како дел од себе и со консумирањето на природна храна, му го враќаме на организмот она што му припаѓа.

Традиционалната кинеска медицина ја поделила природната храна во два дела. Првиот дел е секојдневната храна која би требало да ја јадеме, воглавно овошје и зеленчук. Другиот дел се древни зачини, кои се користат во исхраната, за кои Кинезите веруваат дека се корисни за метаболизмот и здравјето на организмот.

Кинезите верувале дека нашиот организам има способност да се лечи сам. Нашето тело многу добро знае од што е болно и како тоа да го избегне. Проблемот, посебно кај современиот човек, е тоа што човекот го има заборавено својот генетски код и како да го разбуди. За тоа му е потребна помош од природата, зашто човекот е настанат од неа, а тоа е можно со помош на храната, затоа што логично, храната е нашата врска со природата. Паметно земање на намирници од природата значи и паметно управување со генетскиот код и првобитниот механизам во организмот.

Ние сме тоа што го јадеме, но и она што го мислиме!

Старото верување дека ние сме тоа што го јадеме е точно, но ние сме и она што го мислиме, исто така. Доколку сме преполни со негативни мисли и чувства, тоа неминовно ќе се одрази на нашиот организам. Најпрвин психички, со тоа што ќе не доведе до тоа да бидеме огорчена личност, полна со омраза, а потоа неминовно ќе се одрази и на нашите органи, кои и самите ќе почнат да работат негативно.

Која храна треба да се консумира?

Нема овде многу размислувања. Знаеме што е исправно , само ни треба мал потсетник.

Зеленчук: 

првенствено зелено – брокула, спанаќ, блитва, зелена салата, кељ, зелка, но и печурки, соја, грав итн...

Овошје:

јаболки, круши, кајсии, малини, капини, јагоди, цреши, ананас, киви, лубеница, слива итн...

Јаткасти плодови:

ореви, бадеми, индиски ореви, лешници итн...

Морски плодови:

школки, шкампи, лигњи, риба итн...

Азиска храна: 

лист од бамбус, црн и црвен грав, зелен чај, јајца од јапонска препелица итн....

Што и да изберете, запомнете дека не ни е потребна фабрика за нашата исхрана. Природата веќе ни го дала сето тоа што нам ни е потребно!

10 совети за здрав живот од Џејми Оливер

1. Гответе сами!

Ова е една од најважните способности која мора да ја научите. Покрај тоа што ќе уживате во храната која сте ја приготвиле, ви дава и целосна контрола за тоа што оди во порцијата.

2. Балансирајте ја диетата!

Обидете се постојано вашата диета да биде балансирана. Таа треба да содржи состојки од различни групи на храна.

3. Различноста е клучот – јадете го виножитото!

Исполнете ја вашата диета со различни овошја, зеленчук, месо, риба, јајца, семиња и храна со мал број на масти. Консумирајте овошје и зеленчук во различна боја, за да го нахраните вашето тело со различни состојки за здравје и енергија.

4. Разберете што јадете!

Посветете се на читање литература за храната која ја консумирате. Сите треба да дознаеме од каде доаѓа храната и како таа влијае на нашето тело.

5. Консумирајте правилни калории!

Бидете сигурни дека повеќето од вашата енергија доаѓа од калории кои треба да ви дадат и витамини, минерали, протеини, влакна и добри масти. Избегнувајте ги празните калории!

6. Не го прескокнувајте појадокот!

Појадокот му дава одличен почеток на вашиот метаболизам и ви помага да бидете будни, енергични и спремни за предизвици во текот на денот. 

Бидете сигурни дека консумирате хранливи состојки за појадок!

7. Читајте ги „ситните букви“!

Многу е важно да ги читате сите состојки на пакувањата на производите. Бидете претпазливи за бројот на шеќери, сол и заситени масти!

8. Пијте повеќе вода!

Водата е есенцијален дел од вашата диета. Пијте големи количини на вода и избегнувајте ги празните калории од енергетските пијалоци, газираните сокови и соковите во тетрапак!

9. Бидете активни!

Вежбањето е екстремно важен фактор во одржувањето на здравјето, па пробајте да бидете активни колку што можете повеќе.

10. Спијте доволно и добро!

Бидете сигурни дека сте се наспале убаво – ова е важен дел од здравјето и директно влијае на способностите за учење и развивање. Додека спиеме, нашето тело го има најважното време – време за обнова. Спијте барем 8 часа дневно!

Што всушност значи „органско“?

Одлуката за здрава исхрана е одличен почеток кон здравиот живот. Исхрана полна со овошје, зеленчук, цели зрна, добри масти влегува во изборот за здрава храна, но овде се поставува прашањето за безбедноста и начинот на одгледување на истата храна. Како храната е одгледувана и произведена има големо влијание и на вашето здравје, но и на околината.

Терминот „органско“ се однесува на начинот на кој продуктите се одгледувани и произведени.

За да се добие налепница, односно потврда дека храната е органска, постојат неколку правила кои треба да бидат испочитувани од страна на прозведувачот, од кои најважни се:

- Органската храна мора да се одгледува во безбедна земја, да нема модификации и да се одгледува посебно од конвенционалните продукти;

- На произведувачот не му е дозволено да користи синтетички пестициди, генетски модифицирани организми, ѓубриво во кое во основата има нафта и ѓубрива од отпадни води;

- Животните мора да имаат допир со надворешниот свет и да се хранат органски;

- За да го добијат името „органско“, на животните не треба да им се даваат антибиотици или хормони за раст.

Консумирањето на храна со органско потекло, ќе ви донесе голем број на бенефити на вас и вашите најблиски. Истражувањата потврдуваат дека органската храна има многу повеќе нутритивни состојки отколку конвенционално произведената храна. На луѓето со алергии на храна, хемикалии и конзерванси, често им се губат или намалуваат симптомите на алергија кога консумираат само органска храна.

Во овој текст, ќе издвоиме и неколку факти за бенефитите на органска храна:

- Органското производство содржи многу малку пестициди. Овие хемикалии се користат во конвенционалното производство и остануваат на и во храната која ја јадеме;

- Органската храна е секогаш посвежа. Свежата храна има поубав вкус. Органската храна обично е свежа бидејќи не содржи конзерванси кои помагаат во превенцијата од брзо расипување;

- Органското производство е подобро за околината. Производство без пестициди е многу подобро за птиците и инсектите, но и за луѓето кои живеат во околината или работат на производството;

- Органски одгледаните животни, се одгледувани без антибиотици и хормони за раст . Употребата на антибиотици на производството на месо, помага во креирањето на резистентност на антибиотици на одредени бактерии. Тоа значи дека кога човек, кој често го  консумирал тоа месо ќе се разболи од истата бактерија, помалку ќе реагира на третманот со антибиотици;

- Органското месо и млеко се побогати во многу состојки. Резултатите од студии во Европа покажуваат нивоа повисоко на омега 3 масни киселини и тоа до 50% повеќе во органското млеко и месо отколку конвенционалното.

Органската храна, посебно овошјето и зеленчукот купувајте го во сезона, така ќе добиете пониска цена за истото. Исто така можете да прашате кога го доставуваат на пазар или во продавница, па така ќе добиете свеж производ на вашата трпеза.

Бидете претпазливи и запомнете - органско не секогаш значи и здраво!

Брзата храна, може да биде направена од органско потекло. Тоа не значи дека со тоа што таа е направена со состојки од органско потекло,таа е и здрава! Може да биде направена со состојки од органско потекло, а сепак да биде полна со шеќери, масти, сол, калории итн...

Бидете внимателни со зборот „органско“, зашто многу често се злоупотребува!