Енергетски бомбици со суво овошје

Време на подготовка: 15 минути

Време на готвење: 10 минути

Состојки: 

150 гр. суво гројзе

150 гр. суви смокви

100 гр. суви сливи

100 гр. кокос

150 гр.печен лешник

1 лажица чиа семе 

3 лажици стевиа

1 стапче ванила

Прстофат цимет

Подготовка: 

Во чинија ставете го чиа семето, потопете го со ладна вода и оставете го да отстои 15 минути. Во друг сад, во малку вода се потопуваат сувото овошје кое претходно е исецкано и ванилата и исто така оставете ги да отсојат околу 15 минути.

Сувото овошје се цеди од водата и се става на рингла на тивок оган. Смесата постојано се меша и кога ќе се создаде хомогена смеса, се додаваат стевиата, лешникот, чија семето (исцедено од водата), пола од кокосот, ванилата и циметот.

Мешајте уште 2-3 минути, односно до изедначување на смесата, а потоа оставете ја да се олади.

Од изладената смеса се обликуваат бомбици, се увалкуваат во кокос или во лешник и се служат.

                                                                       Copyright © 2016 ImmunoKitchen. All Rights Reserved.